बर्दिबास , असोज ७ गते ।

मन्त्री पुनले देशभरका सामुदायिक माध्यमिक विद्यालयमा कम्प्युटर शिक्षाको पठनपाठन सुनिश्चित गर्न हरेक विद्यालयमा कम्प्युटर शिक्षकको दरबन्दी अनिवार्य रूपमा थप्न निर्देशन दिएका छन्। यस कदमको उद्देश्य विद्यार्थीहरूलाई डिजिटल युगको आवश्यकताअनुसार प्राविधिक ज्ञान प्रदान गर्नु रहेको छ।

विश्वविद्यालयको परीक्षाफल ३ महिनाभित्रै निकाल्न निर्देशन

केही विश्वविद्यालयले परीक्षा लिएपछि नतिजा प्रकाशन गर्न ८ महिनादेखि १ वर्षसम्म लगाउने गरेको गुनासो आएपछि मन्त्री पुनले यसलाई अपुर्णिय क्षति भएको बताएका छन्। उनले सबै विश्वविद्यालयलाई परीक्षाफल प्रकाशन गरेको बढीमा ३ महिनाभित्र अनिवार्य रूपमा नतिजा निकाल्न निर्देशन दिएका छन्। तोकिएको समयमा परीक्षाफल प्रकाशन गर्न नसक्ने विश्वविद्यालयको अनुदान रोक्का गर्ने चेतावनी पनि दिइएको छ। यस सन्दर्भमा, उनले राष्ट्रिय परीक्षा बोर्डले कक्षा १२ को ५ लाख विद्यार्थीको नतिजा ३ महिनाभित्रै प्रकाशन गर्न सक्ने उदाहरण समेत दिएका छन्।

त्रिभुवन विश्वविद्यालय परिसरमा सुन्दर बगैंचा निर्माण

मन्त्री पुनले त्रिभुवन विश्वविद्यालय, कीर्तिपुरको हाताभित्र रहेको ठूलो झाडी फाँडेर (ठूला रुखहरू नकाटी) सफा गर्न र सुन्दर बगैंचा सहित फुटपाथ निर्माण गर्न पनि निर्देशन दिएका छन्। यसको उद्देश्य विश्वविद्यालयको वातावरणलाई थप आकर्षक र हरियाली बनाउनु हो।

यी तीनवटै निर्देशनहरूले नेपालको शैक्षिक प्रणालीमा तत्काल सुधार ल्याउनका लागि मन्त्री पुनको प्राथमिकतालाई दर्शाउँछ।