बर्दिवास, मंसिर २५ गते । बटेश्वर सबैभन्दा भीडभाड रहने तरकारी बजारमध्ये एक, बजारमा आज बिहान एकल प्रयोग हुने प्लास्टिकका हानिकारक प्रभावबारे जनचेतना फैलाउने उद्देश्यले सरसफाई सफलतापूर्वक सम्पन्न गरिएको छ।

यो कार्यक्रम Nepal peacebuilding initiative परियोजना र Bateshwar youth network को संयुक्त आयोजनामा सम्पन्न भएको हो। जलवायु परिवर्तनलाई मध्यनजरमा राख्दै विद्यार्थीहरूले आकर्षक प्रस्तुतिमार्फत प्लास्टिक प्रदूषणले स्वास्थ्य, वातावरण तथा दैनिक जीवनमा पार्ने गम्भीर प्रभावलाई सरल र प्रभावकारी शैलीमा दर्शकहरूका अगाडि प्रस्तुत गरे र सरसफाई गरेका छन् ।

कार्यक्रममा उपस्थित स्थानीय बासिन्दा, बजार व्यवसायी तथा खरीदकर्ताहरू , विद्यार्थीहरु स्थानीय नेता र उपमेयर सन्देशबाट प्रभावित देखिन्थे। विशेषगरी एकल प्रयोग हुने प्लास्टिकको अत्यधिक उपयोगले वातावरणमा दीर्घकालीन क्षति पुऱ्याउने र यसको कमीका लागि सामुदायिक सहभागिता अनिवार्य रहेको सन्देश दिइयो।

सरसफाईको सचेतनामूलक गतिविधिहरूका माध्यमबाट बटेश्वर लाई क्रमशः प्लास्टिक-मुक्त गाउँ बनाउन योगदान दिने लक्ष्यसहित यो अभियान सञ्चालन गरिएको हो।

स्थानीय स्तरमै युवाहरूको नेतृत्वमा गरिएको यस्ता कार्यक्रमहरूले समाजमा सकारात्मक परिवर्तन ल्याउने र पर्यावरण संरक्षणप्रति जनतामा जागरूकता बढाउने विश्वास आयोजकहरूको छ।

कार्यक्रममा सहयोगी संस्थाहरू, विद्यार्थी, स्वयंसेवी तथा स्थानीय समुदायको उल्लेख्य सहभागिता रहेको थियो।